Liverpool chuan Croatia tana player pawimawh tak, Besitas defender Domagoj Vida lak an tum tih media-te chuan an tarlang.

Vida manah hian Liverpool hian pound maktaduai 20 an thehchhuak a, Besiktas lam hian an defender manah hian pound maktaduai 30 an chhiar thung.

Vida hi kumin World Cup-ah Croatia tan a che tha hle a, an player pawimawh tak a ni. Defence line-ah khawiah pawh khel theiin player tangkai tak a ni. Liverpool hian a ram lama a dinpui Dejan Lovren nena inkawp leh turin an duh niin a lang.

Besiktas lam thu puangtu chuan, “Vida hian dawrtu a nei nual a, kan ngaihtuah mek zela, a chhuak ngei dawn tih erawh engmah chiang a awmlo. Player tinte hian man an nei veka, kan duhdan in thutlukna kan siam ang”. a ti.

Croatia tan hian Vida hi World Cup mai ni lovin qualifying round atang tawhin a tangkai hle a, Croatia-in World Cup final am thlenna kawnga thawh hlawk ber zinga mi a ni bawk.

Liverpool hian defence an nei tha sawt hle a, Vida hi an la a nih pawhin Lovren, Van Dijk leh Matip-te an nei sa a, Vida hian hmun  pawimawh a chang ngei dawn em tih sawi a harsa hle thung