Liverpool chuan an right-back Trent Alexander-Arnold chu thlun ngheh an tum niin a lang a, contract thar zawrh an tum hnai tih Football Insider chuan a tarlang.

Liverpool chuan contract thar chungchanga inbiakna nei turin Alexander-Arnold leh a agent te chu appointment an siampui tawh nia sawi a ni a, Merseyside club hian English defender hi contract thar ziahpui theih an inbeisei hle nia sawi a ni bawk.

Kum 25 mi hian tun season bakah season khat dang daih Anfield-ah contract a la nei a, Liverpool hian hun rei tak daih contract thar ziahpui an tum niin chanchinbu mite chuan an ziak a, a hlawh pawh nasa taka pung tura ngaih a ni.

Tarlan danin Alexander-Arnold hian contract thar a ziak a nih chuan kar khatah pound 200,000 chuang a hlawh dawn a, a contract hi pound maktaduai 55 man hu vel a ni dawn nia tarlan a ni.

Liverpool hian an defender tun season zawh ruala contract hmang zo tur Virgil van Dijk pawh contract thar ziahpui an duh a, an forward Salah erawh contract thar an zawrh a rinawm tawh loh hle a, Salah hian kum 2025 June thla thleng daih contract a la nei a ni.