Tottenham chuan Liverpool mikhualin club hnih ten an Premier League game ngana an khel a, mikhual lam Liverpool chu Wembley Stadium-ah an tlangnel a, 2-1 in hnehna an changa, season kal meka an la chak fai vek.

Tottenham hian an goalkeeper leh captain Hugo Lloris chu a inhliam avangin an chhawr thei lova, Michel Vorm chuan si ban a nghak. Tottenham tan hian South Korean player Heung-min Son a inkhel leh thei tawh bawka, zaninah a inlan nghe nghe. Liverpool lam atangin Dutch midfielder Georgino Wijnaldum leh Roberto Firmino ten goal khungin, Tottenham tan Erik Lamela chuan a khung ve bawk.

Tottenham 1-2 Liverpool

(Lamela 90+3’) (Wijnaldum 39’, Firmino 54’)

PLAYER RATINGS

Spurs - Vorm 3, Trippier 5, Alderweireld 6, Vertonghen 6, Rose 6, Dier 4, Dembele 6, Winks 5, Eriksen 5, Lucas 7, Kane 5. Subs - Lamela 6, Son 5, Wanyama 5,

Liverpool - Alisson 5, Robertson 6, Gomez 7, Alexander-Arnold 7, Van Dijk 8, Wijnaldum 6, Milner 8, Keita 6, Salah 5, Firmino 7, Mane 8. Subs - Henderson 5, Sturridge 5, Matip 4.

Match Report

Team hnihte an khel tha em em lo ve ve a, Tottenham phei chu an chauh hmelin tum dang ang lo takin an zawi niin a lang. Liverpool lam an insiamtha hmaa, pet goal-na hun tha pawh an nei nual a. Tottenham hi Liverpool tan an hlauhawm lutuk thei lo a ni ber.

First half tawp hnaih lamah corner atanga ball lokal chu Wijnaldum chuan lo tauhin Tottenham second keeper Vorm chuan nem chhuak leh mahse, goal line a pel chiang hle a, first half hi 1-0 in a tawp ta a ni. Tottenham hian an first keeper leh captain Lloris chu chhawr sela first half hi 0-0 a a tawp ngei a rinawm hle thung.

Second half-ah team hnihte an tang a, inkhel pawh first half aiin a hmuhnawm zawk a tih theih awm e. Second half tir lamah hian Liverpool player Andy Robertson leh Tottenham winger Lucas Moura-te chuan goal ban an pet per ve ve.

Second half bul tan atang rei loteah mual sir lam atang ball lokal chu Vorm chuan lo beng perin,goal ban a fuh a, chumi rawn sawh let chu hnai set sawt atangin Reds striker Firmino chuan goal –ah a pet lut chiang hle a, Liverpool goal hnihna a khung.

Liverpool hi si hnih faia an chak tawh mai dawn emaw tih laiin, minute sawmkaw pelh hnuah minute nga pek belh a ni a, Erik Lamela chuan mawi takin Liverpool lamah a khunga, Spurs lamin beiseina an nei thar. Hun tawp dawn tepah Asian Games khel zo Son chuan hun tha tak hmuin, penalty box chhungah tih tluk a ni a, referee-in foul a ham lova, inkhel hi 2-1 a tihtawp a ni ta a ni. Son a tluk dan hi replay atanga en chuan, foul ni ngeiin a langa, Liverpool lamin penalty an chawi lo erawh an vannei hle a, Tottenham an vanduai a tih theih awm e.