Jeremie Frimpong leh Liverpool te chu mimal thilah an inrem ta a, medical nei turin inbuatsaihna kalpui mek a ni.

Frimpong chuan Anfield-ah um 5 daih contract chu a pawm ta a, Liverpool chuan release clause €35million (£29.6m;$39.3m) chu pek an inhuam ta bawk a ni.

Kum 24 mi Frimpong hi Europe-a righ-back hmuhnawm ber zinga mi a ni a, season hmasaa Leverkusen-in league title an lak theih nan khan tha a thawh hlawk hle. Competition hrang hrangah game 47 a khel a, goal 14 khungin, assist vawi 12 a nei.

Kum 2023 October thla khan Leverkusen-ah contract thar a ziak a, tuna a contract hi kum 2028 thleng daih a ni.

Kum 2021 khan Frimpong hian Celtic atangin Leverkusen hi a zawm a, viak tha tak, tlan chak leh attacking atana player tangkai tak a nih avangin Bundesliga club pawh hian an ngaina nghal.

Tun season-ah pawh Dutchman hi a khel chhe vak lo, Xabi Alonso-a hnuaiah game 49 a khel a, goal 5 khungin assist vawi 12 a nei.

Netherlands tan game 12 a khel tawh a, Manchester City academy chhuak hi England lamah a kir leh ngei dawn niin a lang ta a ni.