Bayern Munich chuan Inrinni zana Hannover an hneh hnuin Bundesliga trophy an chawi ta a, Robert Lewandowski pawhin mel lung pawimawh tak a phun.

Polish striker hian Hannover laka goal khat khungin tun season Bundesliga-ah goal 30 a khung tling ta chiah a, Cologne striker Dieter Muller (1976-77 season) hnuah Bundesliga season khata goal 30 khung tling leh thei hmasa ber a ni.

Bayern hian an khelmual Allianz Arena-ah Hannover hi 3-1 in an hneh a, he inkhel hi Pep Guardiola hnuaia league game an khelh hnuhnun berna ani bawk.

Mualneitu team tan Robert Lewandowski chuan goal khat a khung a, Mario Gotze pawhin goal hnih a khung a mikhual team goal khat neih hi Artur Sobiech khung a ni.

French winger Kingsley Coman pawhin Bayern tan hian a tauh goal teuh hle a, Hannover tan Iver Fossum, Waldemar Anton leh Edgar Prib-te pawh an huntha neih an khawhral.

Inkhel pumpuiah Bayern hian 66% ball an chan laiin Hannover hian 34% chiah ball an chang thei a, mualneitu team hian Hannover goal zawnah vawi 11 zet an pet thei bawk.

Bayern hian point 10-a Borussia Dortmund thlauin Bundesliga season an khar ta a, German Cup final-ah Dortmund hi an tum dawn a karleh Inrinni hian an in hmachhawn ang.

INRINNI ZAN BUNDESLIGA RESULTS:

* Bayern Munich 3-1 Hannover

(Lewandowski 12' Götze 28' 54' Sobiech 66')

* Dortmund 2-2 Koln

(Castro 11' Modeste 27' Jojić 43' Reus 75'

* Wolfsburg 3-1 Stuttgart

(Arnold 11' Schürrle 29' 92' Didavi 78')

* Mainz 0-0 Hertha

* Leverkusen 3-2 Ingolstad

(Leckie 16' Aránguiz 31' Kampl 37' Kießling 61' Hartmann 69')

* Augsburg 1-3 Hamburg

(Finnbogason 11' Gregoritsch 36' 74' Müller 62'

* Werder Bremen 1-0 Eintracht Frankfurt

( Djilobodji 88')

* Darmstad 0-2 M'gladbach

(Hazard 31' Hahn 63')

* Hoffenheim 1-4 Schalke

(Huntelaar 7' Choupo-Moting 14' Uth 41' Sané 56' Schär 89' (OG)