Liverpool defender Jarell Quansah chuan Bayer Leverkusen a pan dawn ta niin The Athletic chuan a tarlang.

Bundesliga club hian £30million bakah add-ons an pe dawn nia report a ni bawk.  Hetih lai hian transfer erawh tihfel nghal theih a nih a rinawm loh.

Kum 22 mi hi Under 21 European Championship-ah England tan a inlan dawn a, he tournament zawhah hian transfer chu tihfel a nih chauh rin a ni.

Jonathan Tah chuan Bayern Munich a pan san ta si a, Leverkusen hian an tlarhnung thawmthat an tum mek. Liverpool leh Leverkusen te hi tun nipui bazar chu an indawr nasa hle.

Reds hian Jeremie Frimpong leh Florian Wirtz te Leverkusen atang hian an la lut tawh a, Leverkusen chuan Quansah an la ve dawn ta a ni.

Quansah hi Liverpool Academy chhuak a ni a, 2023-24 season khan senior team tan a inlan tan a, August 2023 khan Liverpool senior-ah a vawi khat nan a inlan.

Liverpool tan Quansah hian game 55 a khel hman a, goal 3 khung ve tawhin, assist vawi 3 a nei tawh. Hetih lai hian season liamta khan inkhelhna hmun a chang tam lo a, hmun a chan theihna tur lam a pan dawn ta a ni.