Kum 39 mi Al Nassr striker Cristiano Ronaldo chu Leverkusen nen sawi zawm an ni leh mek, Ronaldo hian Saudi club tan hian game 47 atangin goal 48 a khung tawh.

Ballon d'Or vawi 5 dawng tawh Ronaldo hian Saudi Pro League club-ah hian kuam 2025 thleng atan contract a ziak a nih kha.

Real Madrid leh Man United player hlui Ronaldo hi Europe lama kir leh tur angin thu a thang mek a, Bundesliga champions Leverkusen nen sawi zawm an ni.

Media thenkhat te tarlan dan chuan, kum lamah upa deuh tawh mah se, goal a khung theih avangin Leverkusen hian Ronaldo hi an iai lo.

Xabi Alonso pawhin a lo khelhpui tawh thin Ronaldo hi a hrechiang a, a fak hle. Tuna transfer titi leng vak thlen hma daih hian Xabi Alonso chuan  Ronaldo a lo fak tawh.

"Cristiano hian engkim hi awlsam takin a ti thin. Ball ka chan hian amah ka zawng a, ani hi chuan amah chauh pawhin goal a khung thei mai zel.

"Mual chhungah a insiamrem zung zung thei a, central striker ni lo mah se, penalty area bulah a tha em em.

"Ball kalna tur hi a hrethiam nghal vek a, a vawi khat tawhah hian goal a khung teuh reng a ni," tiin Xabi Alonso chuan Ronaldo a fak.