Italian club Lazio chuan Maurizio Sarri chhuah hnuah manager thar an nei a, Croatian manager Igor Tudor chu an manager thar atan an lalut.

Sarri hi kar hmasa Nilaini khan Lazio manager a nihna atangin a bang a, Lazio hian an manager thar Tudor hi nakkum June thla thleng daih contract ziahpuiin, an duh chuan a contract hi season khat dangin an pawh sei belh thei bawk a ni.

Inrinni khan Serie A inkhelah Lazio hian Frosinone chu 3-2 in an hneh a, he inkhelah hian assistant coach Giovanni Martuciello chuan Lazio hi a enkawl.

Lazio manager thar Tudor hi season hmasa khan Ligue 1-ah awmin Marseille a enkawl a, Marseille hi league ah pathumna nihpuiin, a hmain Serie A-ah Udinese leh Hellas Verona te a lo enkawl tawh bawk.

Lazio hi Serie A-ah 9-na an ni mek a, khelh 29 atangin point 43 an hlawhchhuak tawh a, tun thla ni 30-ah Juventus an mikhual dawn a, hei hi Lazio manager anga Tudor-a game hmasa ber tur a ni.