La Liga-in Vinicius Jr. chhan

24th March 2023, 05:03PM

Real Madrid forward Vinicius Junior chuan Barcelona an hmachhawn tumin chi inthliarna lam rawngkaia diriamna a tawng leh a, a vawi 8-na atan La Liga chuan thubuai an theh lut leh.

El Clasico hnuhnung berah khan 2-1-in Barcelona an chak a, Vinicius-a pawh nasa takin home fans lamin diriamna an lantir. He thilah hian La Liga chuan  Barcelona Court of Instruction-ah thubuai an theh luh thu an tarlang ve bawk.

"FC Barcelona vs Real Madrid game-ah khan Vinicius Jr-a chungah pawm theih loh thil a thleng a, chi inthliarna lam thil duhawm lo a thlen avangin Barcelona Court of Instruction-ah thubuai theh luh leh a ni.

"Vinicius Jr. chungchanga thil thleng hi La Liga-in  thubuai an thehluh vawi 8-na a ni," tiin La Liga thuchhuah chuan a tarlang.

February thla khan Real Valladolid chuan Vinicius-a chunga thil thleng vang thoin, season 12 chhung atana ticket nei fan pakhat chu an lo hrem tawh a nih kha.

Vini. Jr. hian vun rawng avanga diriamna a tawng ngun ta malh malh hle mai. A bikin La Liga game-ah a ni hlawm a, racism um bo an tumna kawngah Vini hian La Liga chu engmah ti lo angin a lo puh hial tawh a nih kha.

A au rin em avangin La Liga pawhin loh theih lohin an ngaihsak a, hma an la chho nghal mawlh mawlh a ni ber mai.

 

Copyright © inkhel.com 2024. All rights reserved.