Pathianni zan Premier League match-ah Liverpool chuan si thum faiin Manchester United an hneh. Dutch coach pahnih Erik ten Hag leh Arne Slot an inhmachhawn a, Slot a chungnung zawk a nih kha.

Kha match kha Netherlands boss Ronald Koeman chuan a hmunah a en ve a, Liverpool boss Arne Slot kha vannei a tih thu a sawi chhuak.

"Kha match kha ka en, a chhan chu Dutch player an tam vang a ni. Manager mit atanga ka thlir danah chuan, Slot khan Ten Hag aiin tlemtein hna a thawk tha zawk a ni deuh mai.

"Liverpool hmatawng pathum te kha an tha em em a, anni pathum a chhawr thei kha a vannei hle a ni," tiin Koeman chuan a sawi.

Old Trafford-ah khan Slot chuan Luis Diaz, Diogo Jota leh Mohamed Salah te hmatawngah a chhawr a nih kha. Anni pathum khan pressure an pe char char a, United an talbuai phah hle a ni.

Klopp a chhuah hnuah Slot chuan Liverpool a enkawl a, Premier League-a team a enkawl hmasak ber season tirah, game thum atangi game thumah hnehna a chanpui nghal a, goal an chhuah lo nghe nghe bawk.