Indian Super League (ISL) club Kerala Blasters FC chuan Manchester United goalkeeper hlui Paul Rachubka an lalut.

Kum 36 mi Rachubka hian kum kua (9) anihin Manchester United a zawm a, Red Devils first team tan game thum a khel hman a kum 2002 khan Charlton-ah a insuan.

England Under-20 goalkeeper hlui Rachubka hian Huddersfield Town, Burnley, MK Dons, Blackpool, Bolton Wanderers leh Leeds United tan pawh a khel tawh țhin a, season liamta khan League One lama khel mek Bury FC-ah a khel.

A club thar Kerala Blasters hian Sir Alex Ferguson hnuaia Manchester United assistant manager ni țhin Rene Meulensteen chu head coach ni turin an ruai a, Manchester United defender hlui Wes Brown pawh an lalut tawh.

Kerala Blasters hian Tottenham leh Manchester United striker hlui Dimitar Berbatov pawh an lalut fel lek lek tawh niin sawi a awm mek bawk a ni.