Inrinni zing khan Las Vegas, Nevada-ah MMA event neih a ni a, main event-ah Kamaru Usman leh Rafael Dos Anjos insual hmuhnawm takah unanimous decision-in Usman a chak. Dos Anjos-a hian striking-ah luhpui a tum hle tih a hriat a, a duhthusam erawh a thleng ta lo. Heti hian Usman-a hian fighter lar tak pahnih Demian Maia leh Rafael Dos Anjos a hneh ta a, title fight neih pawh a hnai ta viau a tih theih ang.

Fighter pahnihte intum tur hian ngaihven a hlawh hle a, fight ropui tak pawh a ni chiang a tih theih ang. Round 1 na atangin Usman-a'n a tharum chakna a hmang tangkai hle a, round 2 naah Dos Anjos a rawn che tha ve deuh hman a, round hnu lamah erawh Usman-a'n tharum chak zawk anih zia a lantir a, round 4 naah phei chuan Dos Anjos-a thisen a chhuak tan a, palian zawk leh tharum ngah zawk Usman-an remchangah hmangin a paih thlu deuh reng a, decision-in a chak zui ta nghe nghe a ni.

Fight card dangah Juan Espino leh Justin Frazier an inbei a, round 1 naah submission-in Espino a chak. Macy Chiasson leh Pannie Kianzad an intum bawk a, round 2-ah submission-in Chiasson a chak bawk. Pedro Munhoz leh Bryan Caraway an insual bawk a, round 1-ah technical knockout-in Munhoz a chak. Edmen Shahbazyan leh Parren Stewart an inbei bawk a, split decision-in Shahbazyan a chak a, main card hmasa berah Antonio Shevchenko leh Ji Yeon Kim an intum a, Shevchenko a chak bawk a ni.

Matches

Kamaru Usman def. Rafael Dos Anjos

(Decision of Round 5)

Juan Espino def. Justin Frazier(TUF 28 Heavyweight Final)

Submission, round 1, 3:36

Macy Chiasson def. Pannic Kianzad

(submission) Round 2, 2:11

Pedro Munhoz def. Bryan Caraway ,

TKO strikes , Round 1, 2:39

Edmen Shahbazyan def. Darren Stewart

(Split)

Antonia Shevchenko def. Ji Yeon Kim