Angel Di Maria chuan Turin-a season khat lek a hman hnuah free agent-in Juventus a chhuahsan dawn niin Italian newspaper te chuan an tarlang.

Paris Saint-Germain-a a contract  a hman zawh hnuah Argentine World Cup winner hian Juve-ah kum khat chhung atan chauh contract a ziak a, mahse Serie A lamah hian duhthusamin a che lo.

February thla khan Di Maria chuan UEFA Europa League semi-final-ah Nantes lakah hat trick a siam a, mahse khami hnu khan goal khung loin game 14 a khel leh tawh. Fan-te pawh a tihrilhhai hle. 

Juve leh De Maria-a representative-te chuan contract thar an sawi puitling thei lo niin thuchhuah thenkhat chuan an tarlang a, inthenhran chu tha bera an ngaih avangin club a chhuahsan dawn niin a lang.

MLS leh Saudi Arabia lam atangin ngaihventu a nei niin Italian media te chuan an tarlang bawk a, a chhuah fel hunah a pan lam tur chu a hriat ang.

Kum 35 mi hian Real Madrid leh Paris Saint-Germain-ah hun rei tak a hmang a, UEFA Champions League pawh kum 2014 khan a lo hlawhchhuak tawh a ni.