Kumin July tir hian UFC event a awm dawn a, hetah hian UFC heavyweight champion hlui Stipe Miocic leh Tai Tuivasa te an inhmachhawn dawn niin MMA website rintlak tak tak te chuan an tarlang.

Heavyweight division hi fight hmuh chakawm a vang chho hle a, champion lai Francis Ngannou-a hmachhawn tu tur zawn nan Miocic leh Tuivasa te hi an inhmachhawn dawn niin a lang.

Ngannou hian kumin January thla khan UFC 270-ah Ciryl Gane a hneh a, tunah Ngannou hian UFC-ah contract nei tawh lo mah se, contract thar a ziah a rinawm a, a hmachhawn tur a la chiang lova, Jon Jones sawi rik awm mah se, Jon Jones hian title fight a neih nghal a rinawm loh.

Miocic hian nikum March thla khan Ngannou hneh lovin a heavyweight title a hloh a, hemi hnu hian fight la nei leh lovin, mi tam tak chuan UFC heavyweight fighter awm tawhah Miocic hi an dah ropui ber.

Miocic hi UFC heavyweight champion vawi hnih ni thei a ni a, UFC heavyweight title fight-a hnehna chang ngun ber niin, a title vawi li a humhim bawk a, a champion hmasak khan vawi thum a title a humhim a, UFC heavyweight division-a a zawna title humhim rei ber a ni bawk.

Australian fighter Tuivasa hi tunah hian a zawnin vawi nga a chak tawh a, mah se hemi hma hian vawi thum a zawnin a tlawm thung a, an fight hnuhnung berah kum 28 mi hian Derrick Lewis chu thla hmasa khan UFC 271-ah a knock-out.

UFC lamin Miocic leh Tuivasa in fight tur chungchang hi puanzar an la nei lova, mahse report awm te hi rintlak tura ngaih an ni a, heta chak zawk zawk hian title fight an neih a rinawm a ni.