Arsenal forward Gabriel Jesus chuan Brazil-in World Cup group stage-a Cameroon an hmachhawn tumin a khup a tina a, inzaipui pawh a hmachhawn nghe nghe.Kum 25 mi hi World Cup hnuah Premier League-ah a la inlan leh lo, striker Eddie Nketiah chuan a ai a awh zo hle. Brazil international hi March thla chhung tala a rawn kir leh hman beisei a ni a.

Mahse Arsenal-in 3-2 a Manchester United an hneh tum khan UFC fighter hlui Khabib Nurmagomedov chuan Jesus-a chungchang hi a tarlang a, beisei aia hmaa a lo kir leh a rinawm hle.

"Kar 4 atanga kar 5 chhungin ka lo kir leh hman ang," tiin Jesus chuan a sawi.

Arsenal lam chuan a lo kir hun tur chiah thuchiang an tar lang lem lo a, mahse hma sawn chhoh danah erawh an lawm thu an sawi. 

Jesus lo kir theih tur thu tar lan  anih takah chuan Arteta pawlte tan hmasawnna tam tak a thlen ngei a rinawm. December thlaa club-in bul an tan leh atangin Nketiah chu Arsenal match khelh zawng zawng 6-ah a inlan kim vek.

Arsenal tan Jesus chu March thlaah a lo kir leh hman dawn niin a lang a, north London lam hian home-a Bournemouth an hmachhawn hmain League match vawi 5 khelh an la hmabak a ni.

Kum hmasa summer transfer window-ah khan Arsenal chuan Manchester City atangin £45million-in Jesus hi an la lut a, tha takin Arsenal-ah hian bul a rawn tan. A club thar tana a bul tanna match hmasa 5-ah goal 3 khungin assist vawi 3 a nei bawk.