Tottenham midfielder hlui Jermaine Jenas chuan Arsenal midfielder Aaron Ramsey-a’n contract thar a la ziah duh loh chhan a sawi.

Ramsey hian Emirates Stadium-ah tun season bak contract a nei tawh lova, Arsenal chuan Welsh midfielder hi contract thar zawrh mahse, engmah inremna a la awm thei lo.

Jenas chuan Ramsey chu a duhna hmun (position) a khelh tir a nih ngai loh avangin contract thar a ziak duh rih lo niin BT Sport a hrilh.

Jenas chuan Alexis Sanchez ang bawkin Ramsey chuan a contract hman zawh a tum niin a sawi bawka, Unai Emery –a thu ni lovin, Ramsey-a thu thu a nih thu a sawi tel.

Jenas chuan Rasey chu mi duham a nih loh thu leh, a duhna taka khelh a duh zawk mai thu a sawi bawk.

Ramsey hian contract thar a ziak duh rih lova, Arsenal nen inremna an nei hleithei lo. Manager Unai Emery chuan Ramsey chu cham zel tura a duh thu lo sawi tawhin, an tana a pawimawh zia pawh a lo sawi tawh.