Moto GP season a zo tep, Vanlentino Rossi a vannei chho zel, a khingpui ber Lorenzo chungah a awm zel a, Japanese MotoGP tlan zawh takah Honda rider Pedrosa chu pakhatna niin, Rossi chu pahnihna a ni a, Lorenzo chu pathumna a ni.
Spanish Dani Pedorsa chu Grand Prix vawi 50-ah pakhatna a ni ve ta a. Inhliam vangin tun season tir lamah a tlan tha thei lo, tun season a chawl dawn emaw tih laiin huaisen takin a rawn tlan leh thei a, August 2014-a Czech Grand Prix hnuah a vawi khat nan pakhatna a ni leh ta a ni.
Championship-ah Rossi chuan 18 points-in a tlan pel mek a, intlansiak vawi thum chiah a awm tawh, heta tang hian points tam thei ang ber hlawh chhuah theih chu point 75 a ni a, champion tur a la chiang lo, Rossi chu hmahruaitu a ni mek, season hnih chhung Marc Marquez-a rorelna chu a tawp dawn ta a ni.
Pole atanga bul tan Lorenzo chu intlansiak tir lamah chungnung hle mahse tyre lamah harsatna a nei a, Pedrosa chuan a rawn pel ta a, Rossi pawh pahnihna a ni ta bawk a ni.
Moto 3 lamah British rider Danny Kent chuan title a hnaih hle a, Japan-ah hian parukna a ni a, Kent hian 56 points laiin hma a hruai mek a, 1977-a Barry Sheene-a hnuah kum 21 mi hian World Champion nih theihna chance a nei tha ta hle a ni.
Kum 28 mi Lorenzo chuan,"Vawiin khaw awmdan avangin hrehawm ka ti hle mai. Ruah a sur a, a rawn ro leh bawk si a, kha kha a ni vawiina ka chak loh chhan chu, intlansiak pathum atangin World Champion nih ka tum tlat a ni," tiin a sawi.
Japanese MotoGP Results :
1. Dani Pedrosa (Repsol Honda Team)
2. Valentino Rossi (Movistar Yamaha MotoGP)
3. Jorge Lorenzo (Movistar Yamaha MotoGP)
4. Marc Marquez (Repsol Honda Team)
5. Andrea Dovizioso(Ducati Team)
6. Cal Crutchlow (LCR Honda)
7. Bradley Smith (Monster Yamaha Tech 3)
8. Katsuyuki Nakasuga (Yamaha Factory Racing)
9. Hector Barbera (Avintia Racing)
10. Scott Redding (Estrella Galicia 0,0 Marc VDS)
11. Aleix Espargaro (Team Suzuki Ecstar)
12. Takumi Takahashi (Team HRC)
13. Nicky Hayden (Aspar MotoGP Team)
14. Yonny Hernandez (Octo Pramac Racing)
15. Mike Di Meglio (Avintia Racing)
16. Alvaro Bautista (Factory Aprilia Gresini)
17. Eugene Laverty (Aspar MotoGP Team)
18. Stefan Bradl (Factory Aprilia Gresini )
19. Kousuke Akiyoshi (AB Motoracing)
20. Toni Elias (Forward Racing )
picture credit : motogp.com