Indian Super League club Jamshedpur FC home ground JRD Tata Sports Complex chu, a neitu Tata Seel Limited chuan inkhunghranna hmunpui (quarantine centre) atana hman atan an hlan.

Jamshedpur leh JRD Tata Sports Complex-te hi Tata Steel Ltd. ta ve ve an ni a, anni hi sawrkar nen indawr zelin, midang tanpui dan tur an buaipui mek.

Stadium chhungah hian han mut lailawkna tur (temporary beds) te dah a ni a, ei leh in tur hrisel tha a awm theih nana hma lak a ni mek bawka, Tata lamin theihtawp an chhuah.

JRD Complex hi multi-purpose stadium a ni a, football-a tan hman ber ni mahse Athletics, Swimming, Field Hockey leh Basketball khelhna te leh a dang te pawh a awm vek.

India hi tunah kan in lockdown meka, infiamna chi reng reng eng mah tih theih a nih loh avangin he hun hi Tata chuan an hmang tangkai dawn.

Jamshedpur hi Jharkhand-a awm a ni a, April ni 25 thleng khan Jharkhand-ah hian COVID-19 positive hmuhchhuah 63 awm tawhin, mi 8 in an dampui tawha, mi 3-in an thihpui tawh a ni.