Italian Open: Sulhnu ropui tak nena semi-final lut Djokovic

14th May 2022, 12:05PM

Novak Djokovic chuan Italian Open quarter-final-ah set hloh miah lovin hnehna a chang a Felix Auger-Aliassime a paltlang.

World number one hian 7-5, 7-6 in hnehna a chang a, professional tennis a luhchilh hnuah vawi 999 a chak ta.

Italian Open-ah hian vawinga champion tawhin a champion hnuhnun ber chu kum 2020 kha a ni.

Inkhel dangah Casper Ruud chuan 7-6, 7-5 in Rafael Nadal hnawtchhuaktu Denis Shapovalov a hneh ve bawk a, Djokovic nen hian semi-final-ah an inhmachhawn ang.

Alexander Zverev pawh semi-final lut zingah hian telin Cristian Garin a hneh a, Jannik Sinner hnehtu Stefanos Tsitsipas nen final luh an inchuh ve dawn a ni.

Copyright © inkhel.com 2022. All rights reserved.