ISL Weekend Round up

28th November 2021, 11:11PM

Tun weekend liamta khan Indian Super League match 4 a awm a, ATK Mohun Bagan, Hyderabad FC leh Jamshedpur te chuan an khingpui an hneh vek a, Bengaluru FC leh Kerala Blasters FC te 1-1 in an inhnehtawk bawk.

Kolkata Derby-ah Mohun Bagan chuan si thum faiin SC East Bengal an hneh. Bagan hian Bengal an tlawh a, Bagan tan Roy Krishna, Manvir Singh leh Liston Colaco ten goal an khung.

Inrinni zan match pakhat zawkah Hyderabad FC chuan 3-1 in champion lai Mumbai City FC an hneh a, Ahmed Jahouh chuan Mumbai City tan goal khung hmasa mah se Joao Victor chuan first half-ah penalty atangin Hyderabad siphurh a rul. Second half-ah Bartholomew Ogbeche leh Rohit Danu ten Hyderabad FC tan goal an khung a, 3-1 in mikhualin hnehna an chang.

Zirtawpni zan match-ah Jamshedpur chuan 3-1 in FC Goa an hneh a, Jamshedpur tan Nerijus Valskis chuan goal hnih khungin Jordan Murray chuan goal khat a khung a, FC Goa tan Airam Cabrera chuan goal khat a khung ve bawk.

Pathianni zan khan Bengaluru FC leh Kerala Blasters FC te 1-1 in an inhnehtawk a, hun tawp dawn minute 6 a la awmin Ashique Kuruniyan chuan Bengaluru FC tan goal khung mah se minute 2 a la awmin Ashique Kuruniyan chuan an lamah a ti goal hlauh, 1-1 in an inhnehtawk ta a ni.

Khelh 2 atangin ATK Mohun Bagan FC chuan point 6 hlawhchhuak tawhin table hmahruaitu an ni mek a, Jamshedpur leh Bengaluru FC te chuan point 4 an nei tawh a, khelh khat atangin Odhisha chuan point 3 an nei mek a, a chung lama inhlankaina chance an nei ve mek e.

Copyright © inkhel.com 2024. All rights reserved.