Playoff khelh tura dinhmun ṭha luah mek Royal Challengers Bangalore chu Punjab Kings lakah an tlawm.

Zirtawpni zana inkhelah hian 54 run-in Punjab an chak a, Jonny Bairstow chu Player of the Match atan thlan a ni.

INKHEL CHANCHIN

Punjab Kings

20 overs - 209/9

Royal Challengers Bangalore

20 overs - 155/9

54 run-in Punjab Kings an chak.

Player of the Match - Jonny Bairstow (Punjab Kings)

Brabourne Stadium-a inkhelah hian toss-a chak zawk Bangalore-in vawm hmasak an thlang.

Punjab tan opener Bairstow a khel ṭha hle a, 29 ball hmachhawnin 65 run a siam thei a 6 run ringawt pawh vawisarih lai a hlapchhuak.

Shikhar Dhawan pawhin 21 run a nei a Bhanuka Rajapaksa erawh run khat lek neiin a thi hma hle.

Liam Livingstone hun thleng ve thungin 70 run vawchhuak a, team captain Mayank Agarwal pawh 19 run neiin a ngaihdam theih.

20 over a zawh meuh chuan Punjab hian 209 run an siam tling a mi pakua an chan.

Bangalore tan half century siam tling an awm lo thung a, Glenn Maxwell chuan 35 run siamin an team zingah a thawhhlawk ber.

Team captain Faf du Plessis pawhin 10 run a nei thei hram a Virat Kohli pawh 20 run-ah a lungawi a ṭul.

Rajat Patidar zia leh deuhin 26 run a nei thei a, 20 over-ah 155 run neiin an tlawm chiang hle.

Punjab bowler zingah Kagiso Rabada che ṭha berin 3 wicket a la a, Rahul Chahar leh Rishi Dhawan-te'n mi pahnih ve ve an vawm out ve bawk.

Bangalore tan Harshal Patel langsar berin 4 wicket a nei a, Wanindu Hasaranga pawhin mi pahnih a hnawtchhuak ve bawk a ni.