Central YMA & Cricket Association of Mizoram (CAM) buatsaih 9th Inter Branch YMA Cricket Tournament chu April ni 8 Inrinni khan Republic Veng Field-ah chhunzawm leh a ni a, Inkhel vawihnih awmin Ramthar Branch leh College Veng Branch te chuan an khingpui ve ve an hneh. April ni 14 Ninganiah Ramthar Branch leh Chhinga Veng Branch ten an khel leh ang a, College Veng Branch leh Zemabawk Branch te an in khel bawk ang.
April ni 9 Inrinniah inkhel vawihnih a awm leh ang a, Inkhel hmasa zawkah Model Veng Branch YMA leh Lawipu Branch YMA ten an khel ang a, Inkhel hnuhnung zawkah Tuikual Branch YMA leh Thingsulthliah Branch YMA ten an khel thung ang.
Inkhel hmasa zawkah Zotlang Branch YMA leh Ramthar Branch YMA te inkhelin toss-ah Zotlang Br.YMA te chakin bowling an thlang a, 1st Innings-ah Ramthar Branch ten over 20 chhungin wicket 10 hlauhin run 109 an siam a, Ramthar branch tan hian T. Lalchhanhima chuan 24 runs siamin F. Lallawmkima chuan 20 runs a siam ve bawk. Zotlang Branch tan Lalrinkima leh Vanlalnghaka chuan wicket 2-an la ve ve bawk.
2nd Innings-ah Zotlang Branch YMA te bat ve thungin over 17 leh ball 3 naah allout-in run 79 an vawchhuak a, Zotlang Branch tana run siam hnem ber chu Rosiamliana chuan run 24 a siam a, Ramthar Branch tan Laltlanzela Sailo chuan wicket 4 la in run 8 chiah a pe a, Ramthar Branch te chu run 30-in an chak ta a ni.
Inkhel hnuhnung zawkah College Veng Branch YMA leh Laipuitlang Branch YMA te inkhel leh in
Toss-ah College veng Branch chak zawkin bat an thlang a, 1st Innings-ah College Veng Branch hian wicket 6 hlauh chungin run 150 a siam a, Inter Branch Tournament khelh mekah innings khata run siam hnem ber record an ni. College Veng Branch tan Hmangaihzuala chuan run 71 siamin innings khata run siam hnem ber record-a ni ve bawk. Golden Lalchhuanmawia hian run 32 siam ve bawkin College veng tan an thawh hlawk hle. Laipuitlang Branch tan Lalremruata chuan wicket 2- a la ve a ni.
2nd Innings tan a ni a, Laipuitlang hian wicket an hlauh deuh reng a, patrnership batting-a awm hman meuh lo tih theih a ni. Over 12 leh ball 5-ah Laipuitlang Branch te hian run 50 siamin an all out ta a ni. College Veng Branch tan Bowler Lalrinmawia chuan wicket 5-a ron la a, innings khata wicket la tam thei ber a nih bakah hattrick siam hmasa ber a rawn ni bawk. College Veng Branch chu run 100-in an chak zawk ta a ni.
April ni 9 Inrinni Fixtures:
10:00 AM Model Veng Branch YMA vs Lawipu Branch YMA
12:00 PM Tuikual Branch YMA vs Thingsulthliah Branch YMA