Inkhel app atanga news lo chhiar thin in thahnem hle tih kan hria a, a hmasain lawmthu kan sawi e.

Hei Advertisement pawh kan tar duh lo a, chhiartute tan a hnawk kan tih vang a nia. Hetih lai hian kan sum lak luhna ber advertisement kan lak duh tak lohah chuan, app atanga sum rawn lut hi a awm ta lo a, server leh hosting man hi a to ve mai sia, heng te a nih avang hian inkhel app hi man nei ni ve tawh se tih te kan han ngaihtuah a ni.

Entirnan, website hi titawp ila, app chiah nei tawh ila, thla khat subscribe man hi ₹20 emaw vel te ni ve se, subscription fee atanga sum tling khawm hmang hian writer pahnih emaw vel te la ve leh ila. Ni khatah news 10 emaw vel tal awm thei thin se. Article chhiar tlak tak tak te chhawp chhuah leh ni bawk se tih te kan ngaihtuah a ni.

Chutih laiin a pawimawh ber chu, app hmangtute kan ni a, tha kan tih leh tih loh sawi ho teh ang u hmiang. Tha lo kan ti a nih pawhin tuna kan kal dan ngai hian kan la kal tawk tawk thei maithei bawk a ni.

Comment-na lamah khan ngaihdan sawi vek tum ang u.