AC Milan vice-captain Ignazio Abate chu a mita hliam a neih avangin season kal mekah a inkhel tawh lovang.

Abate hian season kal mekah Serie A inkhel tum 23 a hmachhawn tawh a, an captain Riccardo Montolivo a inhliam avangin khelmual chhungah AC Milan kai hruaitu a ni.

Ignazio Abate hi USA panpui niin a mit enkawl mek a ni a, Sassuolo an hneh tuma a hliam hian zia awm lam a pan mek zel.

AC Milan thu puangtu chuan, "Abate tlawhin kan kal a, a hliam pawhin dam lam a pan zel e. Amah enkawltuten theih tawp an chhuah a, treatment pawh tluang taka neih a ni.

"Kan beisei dan chuan Nipui transfer-ah chuan dam takin a lo let thei tawh ang a, pre-season inbuatsaihnaah pawh Milan a zawm leh thei tawh ang.

"Abate awmloh chhungin Mattia De Sciglio-a'n right-back position-ah tha takin a khel thei a, a lawmawm hle. A tawp berah chuan kan vice-captain Ignazio Abate-a duhsakna kan hlan a, tluang taka enkawl dam a nih theih nan duhsakna kan hlan mawlh mawlh a ni, "tiin a sawi.

AC Milan hian Serie A table-ah pasarihna dinhmun hauh mekin point 53 an hmu tawh a, season tharah Champions League khelh an la beisei thiang a, table-a palina Lazio chu point 4 chiahin an thlau a ni.