Jarrad Branthwaite chuan Everton-ah kar khat chhungin  £160,000 lai hlawh a phut dawn niin Mail chuan a tarlang.

Manchester United chuan heti zat hlawh turin Branthwaite hi an sawm a, mahse a man zat atan an thehchhuah chu Everton lamin an lo hnawl si a ni.

United chuan Branthwaite manah hian £50m vel an thehchhuak, Everton chuan an defender kum 22 mi hi £70m aia hniama hralh an tum lo bur.

Branthwaite hian Everton-ah kum 3 chhung contract a la nei, kar khat chhungin £70,000 a hlawh mek bawk. Toffees chuan contract thar an zawrh leh mek a, kar khata £160,000 a hlawh loh chuan contract thar ziah a tum lo niin Mail chuan a tarlang a ni.

Everton lamin an chhiar to em avangin United pawhin Jarrad Branthwaite hi an hawisan chho mek a, amah ngei pawhin Old Trafford lam pan a ngaihven tawh bik lo niin English media te chuan an tarlang bawk.