Burnley chuan Manchester United atangin Hannibal Mejbri  an la lut fel ta a, kum 21 mi man hi £5.4million bakah add-ons £4m vel nia report a ni.

Hannibal hi tun nipui bazara Burnley player lakluh 8-na a ni a, kum 4 chhung atan Burnley-ah contract a ziak.

"Ka phur tawh hle mai, he hmun ka lo pan thei hi ka hlim a, fans hmuh thuai thuai ka nghakhlel a ni.

"Turf Moor-ah hian Burnley ka lo hmachhawn ve tawh thin a, a boruak a ropui thin hle mai.

"Coach Scott Parker nen kan inbiak hnuah, club hmachhawp te ka hria a, ka phur a, hlawhtlinna chan chhoh kan tum dawn nia," tiin Hannibal chuan a sawi.

Hannibal hian Monaco atangin €5million (£4.2m; $5.6m) in Manchester United a zawm a nih kha. Kum 5 chhung United-ah hun a hmang a, 2022-23 season khan Birmingham City-ah loan-in a kal a, game 41  a khel.

Sevilla lamah pawh loan-in a kal bawk a, Spanish club tan erawh game 6 chiah a khel. Hannibal hian ram tan game 27 a khel ve tawh bawk a ni.