Aizawl District Football Association(ADFA) Haier ADFA 1st Division League Final khelh a ni dawn ta.
Aizawl District Football Association(ADFA) leh Haier Company te buatsaih Haier ADFA 1st Division League Final chu january 19, Thawhlehni zan Dar 6-ah Aizawl FC Academy leh Chhinga Veng FC ten AR Lammualah ankhel dawn ta.
He League ah hian ADFA hnuai a I Div Club 8 ten Home leh Away in ankhel kual vek a, chuta Point hmusang ber Aizawl FC Academy leh adawttu Chhinga Veng FC ten Final hi ankhel dawn ta a ni.
Final kick off hma hian hun tawi hman hmasak a ni ang a, Pu PC Lalthanliana (Minister Social Welfare & Patron) chu Khuallian a ni ang.
Programe:-
In lawmna thu:- Pu Robert Romawia Royte ( President ADFA)
Technical Report: - Pu Ramherliana ( Vice President ADFA)
Thusawi:- Pu Pc Lalthanliana ( Honble, Minister Social walfare etc)
Introduction of Player
ADFA chuan Mizo mipuite Final envek turin asawm a, AR Lammuala kal hmanlo tan ZONET Cable TV in Live in ape chhuak ang a, in lamah mahni TV-ah entheih ani ang.
Final inkhel hi en man a awm dawn a, ticket hi Rs 30, man siam ani a, Zodin lam Main gate-ah field luh dawnah zawrh chhuah tur a ni a, inkhel entur tan kal hma a fuh ang