Haaland nena khaikhin Khadija Shaw

25th March 2023, 06:03PM

Manchester City chuan mipa striker tha ber tih theih Erling Haaland an nei a, hmeichhe lamah pawh player tha tak Khadija Shaw an nei bawk.

Khadija 'Bunny' Shaw hi a goal khung theih avangin Erling Haaland nena tehkhin a ni pha hial. Manchester City-a a teammate-te pawhin khawvela tha ber a nih theih an ring.

Tun season game 23 a khelh tawhah Jamaica striker Shaw hian goal 26 a khung tawh a, Women's Super League vawi 15 a khelhah goal 15 a khung tawh.

Kum 26 mi hian minute 86 dana goal khung ziah ang a ni mek, Haaland erawh a phak lo hlek, Haaland hi  minute 76 dana goal khung ziah ang a ni. 

City manager Gareth Taylor chuan Haaland leh Shaw te tehkhin an ni hi mak a ti lo a, anni pahnih hi rilru lamah pawh mi chak tak an nih thu a sawi.

Shaw hian khawvela tha ber nih theihna a nei a, England defender Alex Greenwood chuan a fak hle bawk. 

"Hetiang thil a ti thei hi mak ka ti lo a, mahse level paltlang tur tam tak a la nei. Tlem chuan ka hlauhthawn pui ve deuh.

"A duh chuan khawvela tha ber a ni thei. Chumi tur chuan theihna zawng zawng a nei kim vek. Training-a a thawhrim zia ka hria a, tuna a vul chhan hi a ni chiah bawk.

"A chak em em a, keini pawh hian ka vulh len belh zel a ngai. Khelhna hun tam zawk kan pe zel ang a, a bak chu amahin a ti vek thei,"tiin Greenwood chuan BBC Sport a hrilh.

Copyright © inkhel.com 2024. All rights reserved.