Gyokeres a nuar

11th July 2025, 06:07PM

Viktor Gyokeres chuan Sporting CP pre-season training a zawm duh lo a, Premier League pan a duh avangin kum 27 mi striker hi a nuar mek niin The Athletic chuan a tarlang.

Gyokeres hi Sporting CP chuan transfer chungchangah chawlh an pe rei bik a, July ni 11, 2025 (Zirtawpni) hi a in report hun a ni a, mahse a club-ah a inlan lo. 

Inrinni hian a in report dawn nge dawn lo hriat a ni lo a, Gyokeres hian Sporting tan a khelh tawh dawn loh thu president Frederico Varandas a hrilh chiang tawh bawk.

A chungchanga ro an rel danah Gyokeres hi a lawm lo hle a, release clause €60million bakah add-ons €10m chu Arsenal lamin pek an inhuam a, hetih lai hian Sporting lam hian hei aia sang an phut tlat a ni.

Arsenal hian mimal thilah Gyokeres hi an hmin tawh nia report a ni a, kum 5 chhung atan contract an zawrh a, an inla thei a nih chuan North London club hian squad chhah tha tak an nei dawn tihna a ni.

Arsenal hian tun dinhmunah Number 9 an nei mumal lo. Season liamtaa league goal khung hnem ber chu Kai Havertz a ni a, Gabriel Jesus erawh a inhliam nasa hle a, Mikel Merino chu season chawhnu lama an rinrawl a ni.

 

Copyright © inkhel.com 2025. All rights reserved.