Mason Greenwood chu club-in internal investigation an chhunzawm dawn avangin, 2022-23 season chhung Manchester United tan a khel dawn lo.

Kum 21 mi hi January 2022-a man a nihin Red Devils chuan an hrem chhunzawm nghal. Greenwood hi pawngsual tuma puh a ni a, Crown Prosecution Service chuan an puhna hi an titawp a ni.

A career chhunzawm thei a nih tawh laiin Manchester United chuan nakin zelah puhna tur leh thil tha lo thleng chhunzawm thei a awm leh awm loh chian hmasak phawt an duh.

An chhuichianna hian hun a duh rei dawn niin The Daily Star chuan a tarlang a, a hma hun atana thutlukna an siam hma chuan Greenwood hi a chawlh beisei a ni.

United chuan tun season tawp hmaa thutlukna an siam fel hman rin a ni a, mahse tun hnaiah mai chuan thu chiang engmah a la awm lo. He dinhmunah hian Greenwood chu a laklawh hle a, United-a a contract hi kum 2025 thleng daih a ni.

Greenwood-a chungchangah hian United chuan duh thlantur an nei nual a, training-ah an ko kir thei a. A contract a zawh huna chhuahtir emaw transfer window inhawn huna hralh emaw an thlang thei bawk a ni.