Jamie Gittens chungchangah Chelsea leh Borussia Dortmund te chu a thuphungin an inrem.

He winger kum 20 mi chungchangah hian a thuphungin club pahnih te inrem mah se, a man chungchangah inremna an la nei lo niin The Athletic chuan a tarlang,.

Mimal thilah chuan Gittens leh Chelsea te hian tun thla tir khan inremna an nei daih tawh a, Gittens hian kum 7 chhung atan Stamford Bridge-ah contract a pawm tawh a ni.

Club World Cup khelh hmaa transfer window inhawn lai khan Chelsea chuan Gittens chungchangah a khelhna Dortmund nen inremna an nei hman lo. Blues chuan an bawhzui chhunzawm zel a, tunah chuan a thuphungin an inrem ta a ni.

Season liamta chhung khan Gittens hian Dortmund tan game 48 a khel a, goal 12 khungin, assist vawi 5 a nei. Gittens hi Man City academy chhuak a ni a, Bayern Munich pawhin an ngaihven nia report a ni.

Gittens hian kum 2020 khan Dortmund hi a pan a, German club tan game 106 a khel a, a contract neih lai hi kum 2028 thleng daih a ni.