Thawhtanni khan Joao Felix chungchangah Chelsea leh Atletico Madrid te an inrem a, thawhlehni hian Conor Gallagher pawhin Spain a pan ve nghal dawn.

Atletico Madrid leh Chelsea te hi Conor Gallagher man chungchangah €42million (£35.8m) in an inrem tawh a ni.

Mimal thil chungchangah pawh harsatna a awm lo a, kum 24 mi hian Wanda Metropolitano-ah hun rei zawk atan contract a ziak dawn.

England international hian Spain-ah hun a lo hmang renrawn tawh a, Atletico Madrid-in an la lut ngei dawn nia a lan hnuah, Samu Omorodion chuan Chelsea a pan duh lo thut a, Blues pawhin Conor hi an ko kir leh nghal a nih kha.

Chelsea chuan Gallagher hi kum 2 dang atan contract an zawrh a, mahse vawi thum lai contract thar hi a hnawl. Tun nipui bazara an hralh lo a nih chuan, nakkum lamah free transfer-in a duhna hmun a pan thei dawn a ni.

Season liamta khan Gallagher hian Chelsea tan game 50 a khel a, goal 7 khungin assist vawi 9 a nei.