French journalist Julien Laurens-a sawi danin French club Lyon chuan field chhunga tlanlut a Depay leh Lacazette-te thla a lakpui avangin naupang kum 15 mi chu court-ah an khing a ni.

Football fans tam takin an player ngaihsan leh atchilh ngawih ngawihte fkhelmual chhunga tlanlutin an kuah a, thla an lakpui chawk thin tih kan hria a, Ligue 1-a thil thleng erawh a mak ang reng hle. Hetiang thil thleng avanga Court-a in khin vawikhat a thlenna ni ngei tur a ni a, football ngaisangtute leh football zah(respect) tu tam tak chuan an helh hle nghe nghe a ni.

BT-a European Football Show hrilhin Julien Laurens chuan, "Kum 15 chauh a upa a ni a, a player ngaihsan em em pahnih Depay leh Lacazette-te thlalak(selfie) pui turin field chhungah a tlan lut a, hei vang hian Court hial an thlenpui a ni, "a ti.

He thil thleng hi Lyon-in Dijon laka an goal 4-na an thun hnuah a ni a, he thil thleng avang hian Lyon chuan Court-ah kalpuiin an khing ta  ni.

Naupang an khin takin (a hming tarlan loh) a sawi dan chuan, "Ka lawm lutuk a, hetiang hi a thleng dawn a ni tih ngaihtuahna pawh ka nei lo hrim hrim a ni. Lyon ka tan vang leh an goal thun ka lawmpui em avanga hetiang thill a thleng ta hial hi pawi kati hle a, hrehawm kati tak zet a ni, "tiin a sawi.

He thil thleng chungchang hi buaipui mek niin chanchin kimchang erawh hriat theih a la ni lova, Lyon thiltih dan hian mi tamtak dem a hlawh hle nghe nghe a ni.