August thla tawpah hian Europe-a Football transfer bazar khar a ni tawh dawn, league tan a ni chho a, team thenkhat chuan an duhtawk an lak tawh laiin thenkhat erawh inthuamthatna tur an la ngaihven mek. Sapram chanchinbu hrang hranga transfer titi lawrkhawm ila.

* PSG chuan Neymar an lak hnuah Monaco striker Kylian Mbappe chu loan-a lak an tum, tun season loan-a lak phawt a, nakum nipui bazara lei tumin hma an la mek. - Sky Sports

* Barcelona chuan kum 25 mi Brazilian playmaker Philippe Coutinho chu tun thla chhung hi chuan lak theih an inring ta lo. - Mirror

* Nakum mai hian kum 30 mi Messi leh kum 33 mi Andres Iniesta chu free agent an ni tawh mai dawn, Barcelona chuan an player pawimawh pahnihte hi contract thar ziahpui vat an tum. - Independent

* Atletico Madrid chuan kum 28 mi Diego Costa leh tuna contract a neih mekna Chelsea te chu boruak tha tak nei se an duh a, Atletico Madrid hian Costa hi a theih hmasak berah £25m-a lei an tum mek bawk a ni. - The Sun

* Manchester City chu kum 29 mi West Brom defender Johnny Evans lakah an beidawng mek a, Middlesbrough centre-back Ben Gibson an ngaihven mek. - Independent

* Tottenham chuan kum 23 mi Everton midfielder inhliam mek Ross Barkley chu £20m vela lei tumin hma an la mek. - Telegraph

* Season an tan chhiat em avangin West Ham chuan an manager Slaven Bilic thlakna tur an ngaihven mek. - Mirror

* Manchester United chuan Tottenham-in an ngaihven mek kum 17 mi Fulham left-back Ryan Sessegnon lam an hawi ve mek. - Sky Sports

* Leicester City boss Craig Shakespeare chuan an player pahnih Riyad Mahrez leh Danny Drinkwater te chu transfer hun tawp hmain an hma hun tur chinfel a nih tur thu a sawi. - Leicester Mercury

* Chelsea chuan Liverpool-in an lak theih lo Southampton defender Van Dijik chu lak tumin hma an la ve leh dawn, Siants hian Van Dijik hi hralh tum lo mahse Blues hian sum tam zawka dawr an tum. - Telegraph

* Liverpool boss Jurgen Klopp chuan kum 20 mi winger Ryan Kent chu loan-a chhuahtir a tum mek. - Liverpool Echo