- PSG chuan Manchester City midfielder Bernardo Silva lakluh an duh a, kum 28 mi hian City chhuahsan a duh bawk. Barcelona pawhin Silva hi an duh a, PSG nen an inchuh a ngai dawn niin a lang. (Le10 Sport)
- Nipuiah Manchester United chuan Totttenham striker Harry Kane emaw, Napoli striker Victor Osimhen emaw dawr an tum a, hemi atan hian an player pathum Anthony Martial, Harry Maguire leh Alex Telles te chu hralh an tum. (Manchester Evening News)
- Tottenham chuan an striker Kane chu rival club hnena hralh an tum lo. (Times)
- Manchester United chuan Declan Rice an lalut duh a nih chuan, a manah pound maktaduai 120 an thehchhuah a ngai dawn a, nikum khan West Ham midfielder hi pound maktaduai 100 in an lo dawr hlawhchham tawh. (Talksport)
- Manchester United chuan uluk takin Atletico Madrid winger kum 29 mi Yannick Carrasco an enthla. (AS)
- Real Madrid chuan Borussia Dortmund midfielder Jude Bellingham chu duh viau mah se, kum 19 mi hian Premier League club a thlan an ring. (The Athletic)
- MLS club Los Angeles FC chuan Chelsea chu Pierre-Emerick Aubameyang-a chungchangah an bia. (Relevo)
- Real Madrid captain hlui Raul chu Leeds United-in an manager thar atan be mah se, Real Madrid reserve team a enkawl mek avangin Raul hian Leeds hi a hnar. (AS)
- Juventus chuan an midfielder Paul Pogba contract chu tihtawp an tum loh thu an sawi. Nikuma Juventus a zawm leh hnuah, a inhliam avangin kum 29 mi hian competitive game a la khel lo. (Fabrizio Romano)
- Hoffenheim chuan an manager Andre Breitenreiter an ban a, Ralph Hasenhuttl chu Hoffenheim enkawl tura rinkai ber a ni rih. (Sky Sport Germany)
- Galatasaray chuan Aston Villa midfielder Philippe Coutinho lakluh tum mah se, kum 30 mi hian Galatasaray hi a hnawl. (Teamtalk)
- Chelsea chuan FC Porto goalkeeper kum 23 mi Diogo Costa an enthla mek. (90min)
Football titi
07th February 2023, 06:02PM
