- Tottenham chuan tun kar hian an manager Antonio Conte chu an chhuah tir a rinawma, an player hlui Ryan Mason chuan season tawp thleng Tottenham hi a enkawl rih a rinawm. (Telegraph)
- Frankfurt boss Oliver Glasner chu Conte thlak tura sawi rik zinga mi a ni a, Tottenham hian kum 48 mi hi an be pawp tawh. (Bild)
- Kumin nipuiah Harry Kane an hralh dawn a nih chuan, Tottenham chuan an striker manah hian pound maktaduai 100 an duh a, kum 29 mi hian season khat dang daih bak Tottenham-ah hian contract a nei tawh lo. (Times)
- Manchester City chuan Borussia Dortmund midfielder Jude Bellingham chu an lak theih an inbeisei zual zela, Real Madrid pawhin kum 19 mi lakluh an tum ve mek bawk. (ESPN)
- Liverpool chuan Dortmund-in Bellingham-a mana an chhiar zat chu an thehchhuak phal lova, hemi avang hian Wolves midfielder kum 24 mi Matheus Nunes lam an hawi dawn. (Fichajes)
- Manchester United lei tuma bid thehlut tu Sir Jim Ratcliffe chuan, man to uchuaka Manchester United lei a tum loh thu a sawi. (Wall Street Journal)
- Arsenal chuan an captain kum 24 mi Martin Odegaard chu kum 2030 June thla thleng daih contract thar zawrh an tum. (Football Transfers)
- Nilaini hian Sheikh Jassim Bin Hamad Al Thani chuan a vawi hnih nan Manchester United lei tumin bid a thehlut leh dawn. (Sky Sports)
- Declan Rice chuan kumin nipuiah West Ham a chhuahsan a rinawma, Chelsea leh Arsenal te chuan kum 24 mi hi lakluh an tum hle. (Fabrizio Romano)
- Manchester United chuan Brighton winger Kaoru Mitoma en thlithlai turin scout an tir chhuak. (The Sun)
- Newcastle United chuan nipui bazar inhawn hunah, Manchester United midfielder Scott McTominay lakluh an tum dawna, kum 26 mi hian Newcastle zawm hi a hreh lo nia sawi a ni. (Telegraph)
- N’Golo Kante chuan Chelsea-ah kum hnih daih contract thar a ziah dawn avangin, Juventus in free transfer-a Kante lakluh an tumna chu a tlawlh. (Tuttomercato)
- Arsenal, Tottenham leh West Ham te chuan Red Bull Salzburg striker Noad Okafor an ngaihvena, kum 22 mi hian Salzburg-ah hian season khat dang daih chiah contract a nei tawh. (Mail)
- Club tam takin duh mah se, Aston Villa goalkeeper kum 30 mi Emiliano Martinez chuan Aston Villa-a awm zel a tum thu a sawi. (Mirror)
- Chelsea chuan an goalkeeper Edouard Mendy chu, contract thar chungchanga inremna an neihpui theih loh avangin hralh an tum. (Football Insider)
- Fulham midfielder Andreas Pereira chu Chelsea-in an ngaihvena, Chelsea hian kum 27 mi hi Mason Mount-a hmun ruak hnawhkhat turin an duh a, mahse Pereira hi Atletico Madrid leh PSG te pawhin dawr ve an tum. (ESPN)
- MSL leh Saudi Arabia lam atanga sawmtu a neih te chu, Barcelona captain Sergio Busquets chuan a ngaihtuah mek. (Mundo Deportivo)
Football titi
22nd March 2023, 09:03AM
