Football titi

30th June 2022, 10:06AM

  • Tottenham chuan Richarlison-a chungchangah Everton chu Ningani hma hian inremna an neihpui theih an inbeisei. (Football.London)

  • Tottenham hian Barcelona defender Clement Lenglet chu loan-a lakluh an tum mek bawk. (Sky Sports)

  • Chelsea, Tottenham leh Arsenal te chuan Torino defender Gleison Bremer an dawr dawn a, Torino hian kum 25 mi manah hian pound maktaduai 43 an duh. (90min)

  • Nottingham Forest chuan Liverpool defender Neco Williams dawr tan mah se, Liverpool-in an lo hnar a, Liverpool hian kum 21 mi manah hian pound maktaduai 15 an duh. (Mail)

  • West Ham chuan Villarreal player Arnaut Danjuma release clause pound maktaduai 34 chu an pe tla dawn. (Todofichajes)

  • Borussia Dortmund chuan an midfielder Jude Bellingham chu pound maktaduai 103 aia tlawma hralh an tum lo. Kum 19 mi hi Liverpool, Real Madrid leh Manchester United te nena sawizawm a ni. (Bild)

  • Everton chuan an goalkeeper Jordan Pickford chu hun rei daih contract zawrh an tum a, kum 28 mi hian Everton-ah hian kum hnih daih contract a la nei. (Guardian)

  • Arsenal chuan a vawi thum nan Ajax defender Lisandro Martinez an dawr a, kum 24 mi manah hian Ajax hian pound maktaduai 43 vel an duh. (The Sun)

  • Manchester United pawhin Lisandro Martinez hi pound maktaduai 40-a dawr an tum. (Talksport)

  • Leicester City midfielder Youri Tielemans lakluh tum zingah Manchester United pawh an tel a, kum 25 mi hian Leicester-ah kum khat dang bak contract a nei tawh lo. (Times)

  • Tunkar chhungin Manchester United goalkeeper Dean Henderson chuan, loan-a Nottingham Forest zawm turin medical a nei dawn. (Mail)

  • Southampton chuan Chelsea rawlthar Levi Colwill lakluh an rilruk a, kum 19 mi hi season liamta khan Huddersfield lamah loan-in a khel. (The Sun)

  • Brentford chuan Hull City forward kum 21 mi Keane Lewis-Potter chu pound maktaduai 20 in an dawr. (The Athletic)

  • Watford striker Emmanuel Dennis chu Premier League club pahnihin lakluh an tum tih report a ni a, kum 24 mi manah hian Watford chuan pound maktaduai 20 an duh. (Sky Sports)

  • Arsenal chuan an U23 leh U18 head coach tur an zawn mekna kawngah, an midfielder hlui Jack Wilshere an be pawp. (Standard)
Copyright © inkhel.com 2024. All rights reserved.