- Newcastle chuan kumin nipuia Everton striker Dominic Calvert-Lewin lakluh chu an dah pawimawh hle a, hun eng emaw chen an lo ngaihven tawh a, Arsenal pawhin kum 25 mi an ngaihven mek. (Telegraph)
- Manchester United midfielder free agent ni mai tur Paul Pogba chu Bayern Munich pawhin an ngaihven tan a, kum 29 mi hi Juventus, PSG leh Real Madrid te pawhin lakluh an tum vek. (Fichajes)
- Robert Lewandowski chuan Bayern Munich-ah contract thar a ziak tawh dawn lova, Bayern hian a contract a zawh hmain kum 33 mi hi Barcelona hnenah an hralh maithei. (Goal)
- Nipui bazar inhawn velah Chelsea chuan Sevilla defender Jules Kounde lei fel nghal an duh. (Give Me Sport)
- Manchester City manager Pep Guardiola chuan kum 2023 thleng contract a la nei a, kumin nipuiah contract thar ziak lovin a contract neih lai chu hman zawh a tum. (Sky Sports)
- Manchester City forward Raheem Sterling chuan kumin nipuiah City a chhuahsan a nih chuan Arsenal emaw Tottenham emaw zawm lovin, Europe club lian dang a zawm a rinawm. (The Athletic)
- Kumin nipui bazar a inkhar hma chu West Ham chuan an midfielder Declan Rice chu contract thar zawrh chhunzawm an tum tawh rih lova, kum 23 mi hian Hammers in kum riat daih contract an zawrh a hnar. (Sky Sports)
- Aston Villa chuan Leeds United midfielder Kalvin Phillips lalut turin hma an la tan. (Football Insider)
- West Ham manager David Moyes pawhin Kalvin Phillips hi Rice nena inkawp tura lakluh a tum ve mek. (The Sun)
- Newcastle chuan Leicester City goalkeeper kum 35 mi Kasper Schmeichel an nghaihven. (Talksport)
- Manchester United chuan Barcelona midfielder Frenkie de Jong ngaihven hle mah se, kum 25 mi hian Champions League khel tur club zawm a duh. (Mail)
- Barcelona chuan kumin nipuiah Frenkie de Jong an chan a nih chuan, a hmunruak hnawhkhat turin Xavi chuan Manchester City player Bernardo Silva lakluh a duh. (Mundo Deportivo)
- A tum angin Chelsea-ah hun hmang lo mah se, Belgian striker Romelu Lukaku chuan kumina Chelsea chhuahsan a duh rih lo. (Give Me Sport)
- Premier League kaithar Bournemouth chuan Nathaniel Phillips-a chungchangah Liverpool chu inbiakna an neihpui mek. (Express)
- Aston Villa manager Steven Gerrard chuan Liverpool defender kum 24 mi Joe Gomez lakluh a duh. (Mirror)
- Liverpool manager Jurgen Klopp chuan Leeds lak tum Aberdeen defender Calvin Ramsey chu lakluh a duh. (Mirror)
- Tottenham chu Sporting Lisbon midfielder Joao Palhinha lalut turin an inbuatsaih tan a, kum 26 mi manah Lisbon hian pound maktaduai 25 vel an duh nia sawi a ni. (Sport Witness)
- West Ham chuan Manchester United midfielder Jesse Lingard lakluh an la tum reng. (90min)
Football titi
13th May 2022, 07:05PM
