Football titi

22nd September 2022, 07:09PM

  • Borussia Dortmund chuan, an midfielder kum 19 mi Jude Bellingham chu pound maktaduai 130 man vel niah an ngai. (The Athletic)

  • Bellingham hian nakkum nipuiah Dortmund a chhuahsan a nih chuan, Real Madrid pan a duh ber. (El Chiringuito)

  • Netherlands midfielder Frenkie de Jong chuan Barcelona chhuahsan a duh ngai lo tih a sawi. (Mirror)

  • Arsenal chuan Frankfurt midfielder Jesper Lindstrom an be pawp tawh a, kum 22 mi hi pound maktaduai 17 velin January thlaah lakluh an tum. (Bild)

  • Arsenal chuan Shakhtar winger Mykhaylo Mudryk lakluh tum viau mah se, Brighton-in an chuhpui maithei. (Express)

  • Everton chuan Mudryk hi euro maktaduai 30 in dawr mah se, Shakhtar in an lo hnar a, Shakhtar hian kum 21 mi manah hian euro maktaduai 50 chuang an duh. (Fabrizio Romano)

  • Flamengo vice-president chuan an midfielder Joao Gomes chu dawrtu an la awm loh thu a sawi a, kum 21 mi hi Liverpool leh Manchester United te nena sawizawm a ni. (ESPN)

  • Celtic manager Ange Postecoglou chuan, Celtic chhuahsana Leicester City enkawl tumna a neih loh thu a sawi. (Sky Sports)

  • Nakkuma a contract a hman zawh hunah, Barcelona midfielder kum 34 mi Sergio Busquets chuan MLS club Inter Miami zawm a remti. (Sport)

  • Marco Asensio chuan Real Madrid chhuahsana an hmelma lian ber Barcelona zawm a hreh lem lo niin a lang. (Sport)

  • Nipui lai khan PSV Eindhoven in an forward Cody Gakpo mana an chhiar zat chu eng club mahin an ngam lo. (TalkSport)
Copyright © inkhel.com 2022. All rights reserved.