- Cristiano Ronaldo chu England-ah a kir a, Manchester United nen a hmalam hun chungchang an sawi ho dawn. (The Athletic)
- Ronaldo hian Manchester United hnenah hian a chhuah duh thu a hrilh dawn a, contract thar an zawrh a hnawl dawn. (The Sun)
- Chelsea hian Jules Kounde an lak theih tak loh avangin midang dawr an tum a, Villarreal defender Pau Torres, Inter Milan defender Milan Skriniar leh RB Leipzig defender Josko Gvardiol bakah Bayern Munich defender pahnih Dayot Upamecano leh Benjamin Pavard te chu an mi hual zinga mi an ni. (90min)
- Chelsea an defender pahnih Marcos Alonso leh Cesar Azpilicueta te chu, Barcelona an pan an phal sak lo. Hei hi Barcelona-in Jules Kounde an chhuhsak vanga ti an ni. (Sport)
- West Ham chuan Sassuolo striker Gianluca Scamacca chu mimal thilah inremna an neihpui tawh a, Scamacca hian Thawhlehni hian West Ham-ah medical a nei ang. (Guardian)
- AC Milan chuan Club Bruges attacking midfielder Charles de Ketelaere mana an thehchhuah zat chu an pun tir a, kum 21 mi hi lakluh ngei an tum hle. (Calciomercato)
- Chelsea winger Hakim Ziyech chu AC Milan-in lakluh an duh a, kum 29 mi pawh hian San Siro pan a duh. (Calciomercato)
- Lyon chuan an midfielder Lucas Paqueta chu a phu tawka hralh an phal thu an sawi a, kum 24 mi hi Arsenal nena sawizawm a ni. (Metro)
- Nigerian striker Victor Osimhen chuan, a hmalam hun chungchanga chanchinbu mi te thu thehdarh chu, thu dik lo an nih thu sawiin, Napoli-a a hlim thu a sawi bawk. (Corriere dello Sport)
- Red Bull Salzburg chuan, Fabrizio Romano-a’n an forward Benjamin Sesko leh Manchester United a sawizawm chungchang chu Twitter-ah retweet-in, an forward manah hian euro maktaduai 300 bakah Bruno Fernandes an duh thu an tarlang. (RB Salzburg Twitter)
- Nottingham Forest chuan Stuttgart chu, Belgian midfielder Orel Mangala chungchangah inremna an neihpui tawh. (The Athletic)
- Robert Lewandowski leh Raphinha te an lakluh avangin, Barcelona boss Xavi chuan an forward Memphis Depay chu club dang zawng turin a hrilh. (AS)
Football titi
26th July 2022, 05:07PM
