- Arsenal leh Gabon striker Pierre-Emerick Aubameyang, 31 chuan Emirates Stadium lama la awm zui zel a duh a, chutiang tur chuan kum thum chhung chu kar tin £250,000 hlawh a phut. (ESPN)
- Manchester United chuan Borussia Dortmund leh England winger Jadon Sancho lak an duh viau a, chutih rualin kum 20-a upa Sancho manah hian £50 million aia tam sen erawh an tum lo. (inews)
- Chelsea chuan Villarreal leh Spain centre-back Pau Torres, 23 lak an rilruk mek a, Arsenal, Barcelona, Manchester City leh Manchester United te nen pawh an sawi zawm bawk a ni. (Mail)
- Arsenal chu Atletico Madrid leh Ghana midfielder Thomas Partey la thei tura rin kai ber an ni mek a, Gunners hian kum 27-a upa Partey hlawh hi tuna a lak let thuma tihsan an inhuam. (AS)
- Tottenham chuan Juventus dilna an hnawl a, Serie A club hian France midfielder Tanguy Ndombele, 23 chu Wales midfielder Aaron Ramsey, 29 nen inthleng an dil a ni. (Telegraph)
- Everton chuan Manchester City leh England centre-back John Stones lak leh an duh a. Kum 26-a upa Stones hian 2016 kumah khan Toffees chhuahsanin City a zawm a. Arsenal pawhin Stones hi an ngaihven mek bawk a ni. (Sun)
- Lazio chuan Tottenham atanga England left-back kum 30-a upa Danny Rose lak luh an duh a, Rose hi loan in Newcastle United ah a awm mek a ni. (Corriere dello Sport)
- Newcastle United boss Steve Bruce chuan English midfielder Matty Longstaff chu an hnena cham zui zel turin a dawr mek a. Kum 20-a upa midfielder hian season tawpah a contract a hmang zo tawh dawn a, Serie A club Udinese chuan kum nga chhung contract ziahpui turin an thlem mek a ni. (Sky Sports)
- Steve Bruce chuan French winger Allan Saint-Maximin, 23 chu nipui hunah Newcastle United atanga a chhuah dawn loh thu a sawi. (Guardian)
- Manchester City leh Spain defender Eric Garcia, 19 chuan Etihad Stadium ah kum nga chhung atan contract a ziah thar hmel a, a ziak a nih chuan a hlawh chu a let thumin a pung ang. (Sun)
- Bayern Munich chief executive Karl-Heinz Rummenigge chuan Liverpool nen an sawi zawm mek, kum 29-a upa Spain midfielder Thiago Alcantara chuan chhuah a duh avangin kumin nipui chhunga hralh a nih tur thu a sawi. (Bild)
- Chelsea chuan Brazil winger Willian, 31 chu contract thar chungchang an sawipui leh mek. (Goal)
- Bayer Leverkusen left-back Wendell chuan a team-mate Kai Havertz chu Premier League club zawm duh niin a sawi a. Kum 21-a upa Germany midfielder chu Chelsea leh Manchester United te chuan an ngaihven viau niin an sawi. (Guardian)
- West Brom chuan kum 33-a upa, Chelsea leh Nigeria midfielder hlui John Mikel Obi chu lak an duh a. Obi hian kumin March thlaah khan a khelhna Turkish club Trabzonspor a chhuahsan a, club khelhna a nei rih lo. (Sky Sports)
- Inter Milan chuan Manchester United leh Chile forward Alexis Sanchez chu a ngheta kawl zui an duh a, €20 million (£18 million) vel senga lei an rilruk. (Goal)
- Schalke leh United States midfielder Weston McKennie, 21 chuan season tharah Premier League club zawm hman a duh thu a sawi chhuak. (Sky in Germany)
- Tottenham Hotspur chuan Napoli leh Poland striker Arkadiusz Milik, 26 chu lak luh an duh a, Juventus pawhin an thlithlai mek. (Goal)
- Fiorentina chuan Roma leh Italy midfielder hlui Daniele de Rossi, 36 chu season thara an manager ni turin an duh. (Sky Sport Italia)
- Watford, Leeds United leh Celtic te chuan Croatian centre-back Branimir Kalaica, 22 chu Benfica atanga lak an duh hlawm. (Mail)