Real Madrid forward Cristiano Ronaldo chu 2017 FIFA Men's Player of the Year-ah thlan a ni.

Portugal captain hian Lionel Messi leh Neymar-te khumin he chawimawina hi a dawng a, nikum pawh khan he chawimawina hi a dawng tawh bawk.

Chawimawina a dawn hnuin kum 32 mi Ronaldo chuan, "Min vote-tu te zawng zawng chungah ka lawm a, ka teammate-te bakah coach leh president-te chungah ka lawm hle bawk a kum tluanin min thlawp țha hle."

"England-ah a vawikhat he hun hi kan hmang a, a zawna chawimawina ka dawng thei hi a lawmawm a ka tan chuan hun nuam tak a ni. Player ropui tak takte kianga awm hi a ropui a ka lawm tak meuh meuh e." tiin a sawi.

Ronaldo hian kumin kal mekah club leh ram tan game 48 khelin goal 44 a khung tawh a, midang pet goal tura siamsak vawi 11 a nei tawh bawk.

Manchester United forward hlui hian season liamta khan La Liga, Champions League leh FIFA Club World Cup-ah Real Madrid a champion pui a, European Championship-ah Portugal a champion pui leh bawk a UEFA Best Player-a thlan a ni nghe nghe.

CHAWIMAWINA DANG DAWNGTE:

Women's Player of the Year - Lieke Martens (Netherlands/Barcelona Femeni)

Men's Coach of the Year - Zinedine Zidane (France/Real Madrid)

Women's Coach of the Year - Sarina Wiegman (Netherlands)

Best Goalkeeper - Gianluigi Buffon (Italy/Juventus)

Puskas Award - Olivier Giroud (France/Arsenal)

Best Fan Award - Celtic (Scotland)

2017 FIFA FIFPro World XI:

Goalkeeper: Gianlugi Buffon (Juventus)