Lyon club president Jean-Michel Aulas chuan fan ten Lacazette thil sawi duh lohna entir nan a an au khum avangin Lyon forward hi a rilru a na a, a lungngaih tak zet thu a sawi
Kum 25 mi France forward hian season kal mekah khelh 20 atangin goal 19 a thun tawh a, Lyon chu Ligue 1-ah pa 4-na a nih pui mek.
An game hnuhnung berah thlak a nihlai a fans-in an au khum chungchang sawiin Lyon president Aulas chuan, "Kha thil thleng khan Lacazette a ti hrilh hai hle a, mak a tiin a rilru a hnual phah hle bawk.
"Lacazette hian Lyon hi a phatsan reng reng lova, Derby chungchanga zawhna a dawn bakah 'Lyon hi i la chhuahsan ang em?' tih zawhna a dawng a ni mai a, chu chu thil thleng ngailo pawh a ni lo.
"Engtikniah emaw chuan Umtiti emaw Real Madrid forward Benzema-te ang a club lian zawk a pan ve maitheih thu a sawi a ni mai. A pan dawn chiang e tihna a ni lova, thil thleng thei a sawi mai chauh a ni.
"Derby boruak sang tak a khatiang thil au chhuah pui kha a duhawm loh tak zet a, naupang chungah phurrit siam sakna a nih bakah kei ngei pawh minti lungawilo hle a ni. Khatiang thil duhawm loh kha a thleng leh tawhlo turah ka ngai, "tiin Lyon thuthar lakhawmtute a hrilh.
(adsbygoogle = window.adsbygoogle || []).push({});
Lyon captain Gonalons pawh tawngchhuakin, "Hei hi thil pawm zam mai mai theih a ni lo, fans te thiltih hian club boruak a ti chhe vek thei a ni. Kan thilsawi leh ka ngaihdan kan tarlan in hriat thiam tawkloh avangte pawh a niang e, a pawi kan ti hle a, a thleng nawn leh tur a ni lo.
"Alex hi kan goal thun khawl a ni a, he hmunah hian rei tak a awm tawh a, a In a ni. Season kal mekah Lyon tan a goal za na a khung tling der tawh.
"Ani ang player hi 'boo' thiang a ni lova, kan zah hle zawk tur a ni, "tiin a sawi ve bawk.