Si khat faiin Arsenal lakah tlawm mah se, United boss Erik ten Hag chu a naute khelh danah a lawm hle.

"Thawhtanni kha chuan kan supporter te kan hmachhawn ngam lo, tunah erawh fans kan hmachhawn ngam ve ta e, inkhelh chhung zawngin anni pawhin min support tlat a ni.

"Rilru dik tak pu chungin bul kan tan, hei hi kar liamta chhunga kan rilrua awm a ni a. Inkhelh bul tan thin player 7 ngawt an khel thei lo chung pawhin Premier League-a team tha ber pakhat nen kan inchai tawk hle.

"Fans lam pawhin kan dinhmun an hrethiam, inhliam kan ngah em em, kan player pawimawh an inhliam nasa, kan phu tawk ang result kan hlawhchhuak thei lo.

"Harsatna tawk mah ila fans chuan theihtawpin min tan a, kan inpumkhat a, kan inkungkaihna a tha em em a ni," tiin United boss Erik ten Hag chuan a sawi.