Everton-ah Wolves captain Coady

09th August 2022, 09:08AM

Everton chuan Wolves captain Conor Coady chu season khat chhung atan loan-a an lakluh thu an puang a, Everton hian Coady hi an duh chuan season tawpah an lei zui thei bawk dawn a ni.

West Ham pawhin English centre-back hi lakluh an tum hle a, mahse a tawpah Everton hian changin, kum sarih hnuah Coady hian Wolves a chhuahsan.

Kum 29 mi Coady chuan, “Everton ka zawm thei hi ka lawm takzet a, min ngaihven tih an manager leh club atanga ka hriat tirh atang khan anmahni zawm hi ka duh nghal a, kan ti hlawhtlin thei ta hi a lawmawm hle a ni.

“He khua hi ka hmelhriat sa em em a ni a, he football club pawh hi ka hre chiang a, an club len zia leh an supporter te tana a hlutzia pawh ka hria. He hmuna rawn kal hi ka duh em em a, ka chhung te leh ka thiante ah Evertonian ruh tak tak an awm nuk a ni,” tiin Everton a zawm chungchang a sawi.

Coady hi Everton hmelma lian ber Liverpool academy chhuak a, kum 2014 khan Liverpool chhuahsanin Hudderfield a pan a, a kum lehah Wolves hi a pan a, season liamta chhung khan Everton captain nihna a chelh a ni.

Copyright © inkhel.com 2024. All rights reserved.