Leon-a official-in an tarlan danin Mexico ramah transport motor-a an phurh laiin Europa League trophy hi a bo a, amaherawhchu vanneihthlak takin hmuh leh a ni.

(adsbygoogle = window.adsbygoogle || []).push({});

Report-in a tarlan danin Guanajuato state, Central Mexico-ah Trophy hi tour bus-ah phurh a ni a, an phurh hnu hian trophy chu hmuh tur a lo awm tawh lo!

Leon thuneitute hian he chanchin hi an sawi chiang duh lo a, an hmuh leh hnuin puanin an tuam a, a thlalak chhuahin a him thu an tarlang ta zawk a ni.

Europa League hi semi-final khelh hmabak a ni a, Marseille chuan Red Bull Salzburg an hmachhawn anga, lehlamah Arsenal leh Atletico Madrid an inhmachhawn bawk ang.

Trophy han tih bo hi thil thar a ni lem lo-

March 1966 khan London khawpuiah 'Jules Rimet trohpy' , FIFA World Cup Trophy tia hriat lar pawh a lo bo tawh a nih kha.

Westminster-a exhibition an neihnaah a bo a, a hnu deuhah South London-ah ui pakhat a hming 'Pickles' chuan a hmuchhuak leh a nih kha.

Europa League trophy an hmuh leh tak hi Lyon khawpuiah 'May 16 final-a' champion hnenah hlan a ni ang.