Tottenham Hotspur forward Dejan Kulusevski chuan khup hliam avangin Europa League final a khel thei dawn lo. 

Kum 25 mi hian nilaini khan a khup a zaitir a, he a khup hliam hi Pathianni zana Crystal Palace an hmachhawn tuma a tihnat a ni.

Engtikah nge a lo kir leh theih dawn tih sawi theih a ni lo a, thil chiang tak erawh, May ni 21-a Europa League final-a Manchester United an hmachhawn hunah a inlan thei dawn lo a ni.

Palace an hmachhawn tum khan Sweden international hi minute 19-ah lak chhuah a ni a, a tukah pawh team zingah training a nei thei tawh lo bawk a ni.

Tun season chawhma lama Spurs player tha ber chu Kulusevski hi a ni a, a ke veilam a tihhliam avangin season chawhnu lamah a chetha vak lo. 

Kulusevski tel loin Spurs chuan United an hmachhawn dawn, an midfield innghahna ber a tel dawn loh chuan, United tan chuan chanchin lawmawm a ni kan ti thei awm e.

Ange Postecoglou chuan Pape Matar Sarr chu Kulusevski aia a chhawr a rinawm a, Yves Bissouma leh Rodrigo Bentancur te nen a rem a rinawm.