Europe khawmual a football thuneitu sang ber UEFA chuan Euro 2020-a Denmark midfielder Christian Eriksen-a nunna chhanhimtu medical team leh Denmark captain te chu an chawimawi dawn.

Denmark medical team Mogens Kreutzfeldt, Frederik Flensted, Anders Boesen, Peder Ersgaard, Jens Kleinefeld, Valentin Velikov, Morten Skjoldager leh Morten Boesen-te bakah Denmark captain Simon Kjaer-te chuan 2021 UEFA President's Award an dawng vek dawn a, he thu hi vawiin khan UEFA president Aleksander Ceferin chuan a puang.

2021 UEFA President's Award dawng tur te:

• On-site medical team

Mogens Kreutzfeldt (chief medical officer)

Frederik Flensted (stadium medical manager)

Anders Boesen (pitchside emergency doctor)

Peder Ersgaard (paramedic)

• UEFA Venue Medical Officers

Jens Kleinefeld

Valentin Velikov

• Danish national medical team

Morten Skjoldager (physio accompanying the team doctor)

Morten Boesen (team doctor)

Simon Kjær (Denmark national team captain)

Kan hriat theuh angin June ni 12 khan Euro 2020-a Denmark leh Finland inkhelh tumin Inter Milan player Eriksen hi khelmualah nikhaw hre lovin a tlu a, a thaw pawh a tawp hman hial a, mahse medical staff te leh midang te inpekna avangin a nunna hi chhanhim a ni.

Kum 29 mi Eriksen-a lung (heart)-ah pace-maker vuah a ni a, tunah hian Eriksen hi a inkhel leh thei dawn em a la sawi theih lova, a inkhel thei dawn a nih pawhin a lo berah thla nga dang vel tal chu a chawlh a la ngaih hmel.

UEFA President’s Award hi kum tin sem chhuah thin a ni a, kum 1998 atang khan kalpui tan a ni. Football lam kaihhnawih te kawng hrang hrang a an chet that avangin he lawmman hi hlan thin an ni a, kum dangah mi pakhat chiahin dawng thin mahse, kuminah erawh mi pakua laiin an dawng dawn a ni.

UEFA President's Award lo dawng tawh te:

• 1998: Jacques Delors (European Commission, France)
• 1999: No award
• 2000: Guy Roux (France)
• 2001: Juan Santisteban (Spain)
• 2002: Sir Bobby Robson (England)
• 2003: Paolo Maldini (Italy)
• 2004: Ernie Walker (Scotland)
• 2005: Frank Rijkaard (Netherlands)
• 2006: Wilfried Straub (Germany)
• 2007: Alfredo Di Stéfano (Spain)
• 2008: Sir Bobby Charlton (England)
• 2009: Eusébio (Portugal)
• 2010: Raymond Kopa (France)
• 2011: Gianni Rivera (Italy)
• 2012: Franz Beckenbauer (Germany)
• 2013: Johan Cruyff (Netherlands)
• 2014: Josef Masopust (Czech Republic)
• 2015: Nil
• 2016: Nil
• 2017: Francesco Totti (Italy)
• 2018: David Beckham (England)
• 2019: Eric Cantona (France)
• 2020: Didier Drogba (Ivory Coast)