Chelsea, Manchester United leh Tottenhham te chuan Inter full-back tun World Cup khelh zawh taka Netherlands tana khel tha tak Denzel Dumfries chu an club-a lak luh an duh theuh niin chanchinbu mite chuan an an tarlang.

Kum 26 a upa Dumfries hian tun World Cup-ah khan an ram tan an game khelh zawng zawng vawi ngaah a inlan kim vek a, round of 16-a United States 3-1 a an hneh tum phei kha chuan an goal thun zawng zawng zawngah a inrawlh kim vek a, goal khat thunin assist vawi hnih a nei a ni.

Tun season-ah Inter tan Serie A lama an match khelh zawng zawng vawi 15 ah a inlan kim vek a, vawi 13 chu inkhel bul a tan bawk. Nimahsela, heng zingah hian vawi 4 chauh min. 90 chhung a khel tluan thung.

Dumfries-a khelhna Inter lam hian transfer hmasa chhung khan amah lei tuma dawrtute chu an lo hnar vek a, mahse a la chhuahsan ngei an rin avangin a manah hian 60million euros an chhiar a ni.

La Gazzetta dello Sport in a tarlan danin Inter hian 60m euros (53m pound) a dawrtu an awm a nih chuan hralh mai an remti tawh a, mahse add ons ah a man hi an tihsan belh thei bawk ang.

Chelsea hian an right-back neih sa Reece James a inhliam avangin Dumfries hi lak luh an duh a, hemi mai bakah hian back-three lama khel turin an duh tel bawk.

United pawh hian Diogo Dalot thlak nan an duh a, Tottenham lam hi chuan Sporting atangin Pedro Porro an dawr tel bawk a, mahse ani ai hi chuan Dumfries hi an dah sang zawk. Porro manah hian Sporting nen hian 35m euros velin an inrem tep tawh niin Daily Star chuan a tarlang a ni.