England striker Harry Kane a inhliam

23rd November 2022, 12:11PM

England captain Harry Kane chu zirtawpa United States an hmachhawn hmain a ke rek dinglam endik a ngai.

Kum 29 mi Harry Kane hi Group B match-a Iran 6-2 laia an hneh tum khan second half tir lamah a inhliam a, Callum Wilson chuan rawn thlak nghalin rei loteah ke tuam chunga hmuh a ni chhunzawm. Vawiin lamah a ke hi endik a ni dawn a ni.

He Tottenham striker hian Three Lions tana vawi 76 a inlan tawhah goal 51 lai a khung tawh. England boss Gareth Southgate chuan Kane-a result hi a tha lam a nih a beisei hle, tunah hian England team hian USA nena an inhmachhawn tur an urlawk mek a, inbuatsaihna an kalpui mek.

Khup hliam midfielder James Maddison khan Iran a hmachhawn ve thei lo a, USA erawh a hmachhawn theih a rinawm. Manchester United defender Harry Maguire erawh nuamsam lo chungin a inlan thung a, an khelh leh turah hian a inlan thei dawn em tih a hriat loh.

Light training an neih tumin Wilson a inlan thei lo a, hetih lai hian a hliam erawh ngaihtuahawm a ni lo niin BBC chuan a tarlang bawk.  England hian Qatar World Cup-a an match hmasa berah 6-2 laiin Iran an sawp, an match dawt leh hi zirtawpni zan zanlaiah a ni dawn a, Wales nena inhnehtawk USA nen an inhmachhawn dawn a ni.

Copyright © inkhel.com 2022. All rights reserved.